Në Shkollën Digjital në Prishtinë, organizuam Alumni Party, një event të veçantë për të mbledhur se bashku disa nga nxënësit që kanë përfunduar kursin në Shkollën Digjitale (Alumni), me stafin tonë të cilët dikur kanë qenë nxënës, për të festuar arritjet dhe lidhjet e ngushta që kemi ndërtuar bashkë ndër vite. Ishte një mundësi për të ritakuar miqtë, ndarë historitë inspiruese dhe planet e reja, së bashku me bashkëthemeluesin e Shkolles tone, Darsej Rizaj.
Jemi krenarë për rrugëtimin tuaj në botën e teknologjisë dhe inovacionit, ku sukseset e njëri tjetrit i ndajmë në këto takime që janë bërë traditë në komunitetin tonë. Ky është vetëm fillimi i planeve tona të përbashkëta!
Organizime të tilla janë të rëndësishme sepse ndajme sukseset që na motivojnë, ndërtojmë lidhje të reja duke krijuar mundësi për rrjetëzim dhe bashkëpunim, si dhe ndajmë eksperienca që frymëzojnë dhe mbështesin njëri-tjetrin për sfidat e ardhshme.
Rritja e shpejtë e teknologjisë nuk njeh kufij, dhe as Shkolla Digjitale. Me kënaqësi po vërejmë sesi nxënësit tanë po shkëlqejnë në pozita të rëndësishme, duke u bërë liderë të së nesërmes dhe duke lënë gjurmë pozitive në industrinë e teknologjisë dhe inovacionit.
Sukseset e nxënësve tanë janë dëshmi e përkushtimit dhe cilësisë së edukimit që ofrojmë. Ata që dikur filluan me hapat e parë në kodim, sot gëzojnë role të rëndësishme në kompani prestigjioze anembanë globit. Shumë prej tyre kanë hyrë në fusha si zhvillimi i softuerëve apo kanë nisur bizneset e tyre inovative.
Shkolla Digjitale nuk është vetëm një hapësirë mësimore, por një komunitet i fuqishëm ku nxënësit mbështesin, bashkëpunojnë dhe rriten së bashku. Këto lidhje vazhdojnë edhe përtej saj, duke krijuar ura të reja drejt suksesit profesional, i cili nuk kufizohet vetëm në vend, por po rritet globalisht falë cilësisë së mësimit dhe angazhimit të komunitetit tonë të përkushtuar.
Faleminderit që jeni pjesë e kësaj historie të suksesit, ne mezi presim të shohim më shumë arritje nga ju.
Na ndiqni për më shumë histori suksesi dhe organizime të ardhshme të komunitetit të Shkollës Digjitale!
