Drejt një të Ardhmeje Digjitale: Vizita e Ministrave Kusari-Lila dhe Hoti në StarLabs dhe Shkollën Digjitale
Një vizitë institucionale kushtuar rolit të edukimit modern, teknologjisë dhe inteligjencës artificiale në përgatitjen e brezit të ri.
Në StarLabs dhe Shkollën Digjitale mirëpritëm ministrat Mimoza Kusari-Lila dhe Andin Hoti për një bisedë mbi zhvillimin e teknologjisë dhe mundësitë që ajo krijon për të rinjtë në Kosovë.
Edukimi për një treg që ndryshon shpejt
Diskutimi u përqendrua te ndikimi i teknologjisë dhe inteligjencës artificiale në punë, komunikim dhe zhvillimin e produkteve. Përgatitja për këtë realitet kërkon investim të vazhdueshëm në edukim, inovacion dhe përvojë praktike.
Aftësi që ndërtohen duke krijuar
Vizitorëve iu prezantua kurrikula e Shkollës Digjitale dhe mënyra se si projektet praktike e gamifikimi i ndihmojnë nxënësit të mësojnë në mënyrë aktive.
- Programim dhe teknologji
- Kreativitet digjital
- Zgjidhje problemesh
- Mendim kritik dhe punë ekipore