Nxënësit tanë dëshmojnë aftësitë dhe kreativitetin e tyre në garën 48-orëshe "Champion Trials Hackathon"

Gara e kodimit "Champion Trials Hackathon" përfundoi me sukses pas dy ditëve intensive plot kreativitet dhe ide mbresëlënëse nga nxënësit tanë. Më shumë se 500 finalistë nga të gjitha franshizat e Shkollës Digjitale në Kosovë, Shqipëri dhe Maqedoni morën pjesë në këtë ngjarje të madhe, duke garuar në kategori të ndryshme si: Code, Scratch, CSD Unit 2, CSD Unit 3, Python Basic, WordPress Basic dhe Advanced, PHP & MySQL dhe React Native.

Këta finalistë vazhduan garën në finalen e madhe për t'u bërë kampion i 'house' të tyre. Në finalen e "Champion Trials Hackathon" prezantuan 37 finalistë, projektet e të cilëve u vlerësuan nga juria e Shkollës Digjitale në Slloveni, të cilët shpallën fituesit: - Shpat Kryeziu - Speedsters, Shkolla Digjitale Prishtinë - Leart Obertinca - Shadows, Shkolla Digjitale Prishtinë - Rrita Canolli - Hipsters, Shkolla Digjitale Prishtinë - Flori Ollogu - Engineers, Shkolla Digjitale Dibër

Ne falënderojmë të gjithë nxënësit për përkushtimin dhe kreativitetin e treguar, stafin e Shkollës Digjitale për mbështetjen e tyre në çdo moment, si dhe prindërit për motivimin e vazhdueshëm.

Shkolla Digjitale mbetet e përkushtuar për të frymëzuar dhe fuqizuar të rinjtë përmes garave të programimit, duke nxitur aftësi teknologjike, bashkëpunim dhe kreativitet. Shihemi në garat e tjera të programimit!