Shkolla Digjitale, si përfituese e grantit të ndarë nga Aktiviteti i USAID-it për zhvillimin e fuqisë punëtore të udhëhequr nga sektori privat, i financuar nga USAID dhe i implementuar nga IREX, po mban trajnime FALAS për mësimin e teknologjive më të kërkuara: Python, DevOps dhe Full Stack.

Gjithashtu, Shkolla Digjitale në Prishtinë ka pranuar 40 kompjuterë të rinj, të financuar nga ky Aktivitet, me qëllim të ofrimit të kushteve sa më të mira për trajnimet.

Për të informuar të rinjtë, Shkolla Digjitale organizoi Open Week, një aktivitet të hapur për të gjithë të interesuarit rreth mundësisë së përfitimit të këtyre bursave, që po ofrohen për kurset e programimit për nxënësit në vitin e fundit ose të diplomuarit e shkollës së mesme.

Këto bursa përfshijnë trajnime të avancuara në fusha shumë të kërkuara në treg, si Python, DevOps dhe Full Stack, të cilat ligjërohen nga instruktorë të trajnuar nga ekspertë, me një kurrikulë të përgatitur për të përmbushur kërkesat e tregut aktual.

Grupet e para aktualisht po ndjekin trajnimin, dhe pas përfundimit të trajnimit intensiv 2-mujor, do të kalojnë një periudhë 3-mujore të praktikës, gjatë së cilës do të zhvillojnë dhe përforcojnë aftësitë e tyre profesionale.

Shkolla Digjitale mirëpret dhe inkurajon të gjithë individët e interesuar për këto bursa, veçanërisht:
- Gratë e reja që dëshirojnë të hyjnë në fushën e teknologjisë;
- Personat me aftësi të kufizuara;
- Anëtarët e komunitetit LGBT;
- Komunitetet Romë, Ashkali dhe Egjiptian.

Ky program mbështetet nga Aktiviteti i USAID-it për zhvillimin e fuqisë punëtore, i udhëhequr nga sektori privat. Përveç trajnimit dhe praktikës, pjesëmarrësve u rimbursohet kostoja e transportit, pavarësisht vendit të tyre të origjinës, duke e bërë pjesëmarrjen sa më të lehtë dhe të përballueshme.

Aplikimi për grupet e tetorit është ende i hapur. Mos e humbni këtë mundësi unike!

Kjo mbështetje, na mundëson të forcojmë dhe zgjerojmë misionin tonë për të aftësuar gjeneratat e reja në programim dhe aftësi të nevojshme për të pasur sukses në botën e sotme, ku çdo profesion është i ndërlidhur me aftësitë digjitale.

Ne jemi të përkushtuar për të ofruar një mjedis për të mësuar dhe zhvilluar aftësitë e nevojshme për të përparuar në botën digjitale, me qëllim që të krijojmë ndryshime pozitive dhe të rëndësishme në rrugën tonë drejt një të ardhme më të mirë.