Shkolla Digjitale në Samitin më të madh të HR në Kosovë

Në samitin më të madh të HR të organizuar në Kosovë Power to HR - Global HR Summit by KosovaJob, Hana Qerimi ishte pjesë e panelit së bashku me Kaltrina Lloncari nga Mercedes Benz, Benjamin Kadić nga Popcorn Recruiters dhe Serdzan Arnautović nga Meta, ku ndër të tjera u diskutuan sfidat e rekrutimit, rëndësia e brendit si punëdhënës dhe metodat për tejkalimin e sfidave. "Sot, punëtorët e parë të Shkollës Digjitale dhe StarLabs janë në nivel menaxherial, të cilët janë rritur gradualisht së bashku me zhvillimin e të dy kompanive. StarLabs, që fillimisht kishte vetëm 2 programerë, tani ka mbi 200 të punësuar, duke u bërë kompania më e madhe e zhvillimit softuerik në Kosovë, me më së shumti programerë nga të gjitha kompanitë lokale," tha mes tjerash Hana.