Pas Milanit dhe Vienës, këtë vit tradita e bukur për të festuar besnikërinë vazhdoi, këtë herë në rrugicat magjike të Budapestit!

Për tre ditë të paharrueshme, disa nga stafi ynë i mrekullueshëm nga Shkolla Digjitale dhe StarLabs, që janë me ne prej më shumë se 3 vitesh, u shpërblyen me një udhëtim të merituar, plot të qeshura, kujtime dhe energji ekipore.

Nga shëtitjet me varkë në Danub, tek eksplorimi i vendeve historike, e deri te të qeshurat e natës dhe dollitë me “egészségedre!”, përvoja në Budapest ishte më shumë se një udhëtim. Ishte një falënderim i madh për ata që e kanë ndërtuar këtë histori me pasion dhe përkushtim të vazhdueshëm.

Kjo traditë vjetore është mënyra jonë për të thënë se: besnikëria ka rëndësi, njerëzit kanë rëndësi dhe ne e duam t’i festojmë të dyja.

Pas Milanit, Vienës dhe Budapestit... mbetet vetëm një pyetje: Ku po shkojmë vitin tjetër?