Në ceremoninë e ndarjes së dekoratave dhe mirënjohjeve, Presidentja e Republikës së Kosovës, Vjosa Osmani, vlerësoi punën dhe angazhimin e Shkollës Digjitale, duke e nderuar me dekoratë dhe mirënjohje për kontributin në Teknologji Informative dhe zhvillimin e shkathtësive tek të rinjtë.

Në këtë moment të jashtëzakonshëm për ne, falënderojmë Presidenten Osmani për këtë nder dhe vlerësim të madh, në veçanti ndaj bashkëthemeluesve të Shkollës Digjitale, Hana Qerimi dhe Darsej Rizaj.

Mbesim të frymëzuar dhe të angazhuar për të ndërtuar një mjedis inovativ dhe për të përgatitur gjeneratat e reja për një të ardhme të suksesshme në botën e teknologjisë informative.