img img img
header-image

Blog 16 Feb 2024

Shkolla Digjitale

author-image
🕑 4 min

Bordi i Odës Ekonomike Gjermano Kosovare pritet nga Zyra e Kancelarit Gjerman

Drejtuesja e Shkollës Digjitale dhe StarLabs, Hana Qerimi mori pjesë në vizitë zyrtare në Berlin, si anëtare e Bordit të Odës Ekonomike Gjermano-Kosovare (OEGJK).

Delegacioni zyrtar i Odës, udhëhequr nga Kryetarja e Bordit, Eriola Bibolli, i shoqëruar nga anëtarët e bordit të OEGJK së, Hana Qerimi dhe Drinor Selmanaj, Drejtoresha Ekzekutive Nora Hasani si dhe Udhëheqësja e Market Entry, Besarta Hyseni, mbajtën takime të rëndësishme gjatë vizitës, me fokus në forcimin e lidhjeve bilaterale dhe nxitjen e bashkëpunimit ekonomik ndërmjet dy vendeve, si dhe koordinimin e aktiviteteve të përbashkëta përgjatë vitit 2024.

Anëtarët e delegacionit kanë mbajtur takime me:
• Departamentin për Bashkëpunim Ekonomik Ndërkombëtar/ Zyra e Kancelarit Scholz
• Departamentin për Zgjerimin e BE-së, Evropën Juglindore, Turqinë/ Ministria Federale për Ekonomi dhe Mbrojtje të Klimës
• Dhomën Gjermane të Tregtisë dhe Industrisë/ DIHK
• Komiteti Lindor i Ekonomisë Gjermane/ Ost-Ausschuss der deutschen Wirtschaft
• German Economic Team/ Berlin Economics
• OASA e.V.

Delegacioni ishte ftuar edhe në pritjen e Vitit të Ri të Komitetit Lindor të Ekonomisë Gjermane, ku fjalë rasti mbajti Ministri Federal i Financave, Christian Lindner. Gjatë pritjes, anëtarët e delegacionit kanë pasur takime me biznese gjermane dhe përfaqësuesit e institucioneve gjermane dhe ndërkombëtare. Delegacioni i OEGJK-së pati mundësinë të informonte bashkëpunëtorët gjermanë për rolin e Odës, zhvillimet ekonomike të fundit në vend dhe nismat e vazhdueshme që synojnë forcimin e marrëdhënieve bilaterale.

Roli i Odës Ekonomike Gjermano-Kosovare si partner i rëndësishëm i yni ka kontribuar në suksesin e Shkollës Digjitale dhe StarLabs, duke hapur rrugën për bashkëpunime dhe inovacion me kompani gjermane në fushën e teknologjisë, në veçanti me gjigantin global të kurseve të huaja Berlitz si dhe klientë të shumtë me të cilët StarLabs ka partneritet.

Falënderojmë Odën Ekonomike Gjermano-Kosovare që mundësoi këtë vizitë, e cila shërben si hap i rëndësishëm drejt thellimit të bashkëpunimit ndërmjet Kosovës dhe Gjermanisë.

blog-image
blog-image
blog-image
blog-image
blog-image

More Blogs

header-image
Shkolla Digjitale në konferencën “Pirate Summit”, në Gjermani
View blog
header-image
Suksesi ndërkombëtar i Shkollës Digjitale dhe StarLabs, pjesë e fjalimit inspirues të Presidentes Osmani në Parlamentin Evropian
View blog
header-image
A është fëmija im një gjeni teknologjik?
View blog
header-image
Gjenerata e dytë e Shkollës Digjitale, përfituese e praktikës në StarLabs
View blog
header-image
Helping SOS children learn programming skills
View blog