Në intervistën e saj të fundit për vitin 2023, drejtuesja e Shkollës Digjitale dhe StarLabs, Hana Qerimi ishte e ftuar në emisionin festiv në 'Drive on D' në Radio Dukagjini, e cila ndau rrëfimin e saj frymëzues rreth rrugëtimit drejt suksesit si sipërmarrëse.

Gjatë kësaj bisede, ajo rrëfen sfidat, të arriturat ndër vite dhe përvoja e saj e ndërtimit dhe rritjes së të dy kompanive, duke sjellë një histori motivuese për të rinjtë dhe të gjithë ata që ndjekin pasionin e tyre. Ajo ndau përvojën e saj në krijimin e ideve të reja dhe përdorimin e tyre për të ndryshuar mënyrën sesi teknologjia integrohet në jetën tonë të përditshme.

“Është kënaqësi tjetër sot kur flasim për fëmijë që kanë kaluar 8 vite në Shkollën Digjitale dhe sot janë të aftë të krijojnë aplikacione reale për klientët e tyre. Po ashtu, ka fëmijë të cilët kanë mbërri moshën mbi 16 vjeçare dhe po arrijnë të punësohen, si në kompaninë tonë StarLabs, ku i kemi punësuar dhe po tregojnë shumë sukses. Pra, diçka që mësohet nga fëmijëria në moshë më të hershme, mësohet më lehtë dhe me shumë pasion”, tha Hana.

Ajo ftoi të gjithë ata që ndjekin ëndrrat e tyre të mos ndalojnë para sfidave, por të përdorin ato si mjet për të rritur dhe zhvilluar më tej idetë e tyre, duke kujtuar se çelësi është tek vetvetja.

Ndiqni intervistën e plotë të Hanës për të dëgjuar rreth pikëpamjeve të saj mbi sfidat dhe arritjet e të bërit biznes në Kosovë si dhe shumë të tjera rreth Shkollës Digjitale dhe StarLabs: Kliko këtu