img img img
header-image

Blog 22 Aug 2023

Shkolla Digjitale

author-image
🕑 3 min

Intervista e Hana Qerimit në televizionin ndërkombëtar të Polonisë, thekson potencialin e rinisë së Kosovës

Drejtuesja e Shkollës Digjitale dhe StarLabs, Hana Qerimi ka marrë pjesë në një intervistë në televizionin ndërkombëtar të Polonisë 'TVP World', ku ka mbështetur punën e ndërmarrësve duke theksuar potencialin e madh të rinisë së vendit tonë.

“Pavarësisht sfidave, pengesave dhe tensioneve, ekziston edhe një anë e gjallë e këtij kombi rinor të strehuar në Ballkan. Kosova, në këtë kontekst, paraqet shtëpinë e sipërmarrësve të rinj, të cilët po i tejkalojnë kufijtë e tyre kombëtarë. Sektori i Teknologjisë Informative po përjeton rritje, dhe megjithëse ende në fazat fillestare, ofron shumë mundësi. Gjeneratat e reja të ndërmarrësve janë dëshmi e domethënies së vërtetë të Ndërmarrësisë dhe gatishmërisë për të marrë rreziqe, ashtu siç shumë pjesë të tjera të Perëndimit do të dëshironin të arrinin. Sot, pranuar këtu, është Hana Qerimi, një sipërmarrëse nga Kosova, e cila do të ndajë historinë e saj me ne”, kështu u prezantua Kosova dhe Hana, në fillim të intervistës.

Hana ka theksuar se Kosova duhet të promovohet përmes historive të saj, si dhe ka sqaruar për shikuesit se udhëtimi i saj nga viti 2016 ka filluar me një për të edukuar brezat e rinj në programim dhe aftësi teknologjike.

“Sigurisht, nuk ishte e lehtë sepse fillimisht investimi që duhet të bënim, financimi dhe gjithçka ishin sfida, veçanërisht për mua si person i ri në Kosovë. Ajo që unë bëra bashkë me partnerin tim Darsej ishte të investonim rreth 1,000 € vetëm atë fond, dhe sot kemi rritur ndërmarrjen tonë globalisht me një Shkollë Digjitale që është bërë një franshizë globale në më shumë se 20 vende. Pra, filloi si diçka shumë të vogël në qendër të Prishtinës, me të gjitha sfidat që duhet të përballonim, por ne e arritëm ta bënim këtë”, tha Hana.

Ajo bëri thirrje që investitorët e huaj të vijnë në Kosovë për të parë çfarë po ndodh, për të kuptuar se është një vend i sigurt për të qëndruar, jetuar dhe nisur biznesin, pasi si shtet kemi shumë potencial. Megjithatë, fatkeqësisht, norma e papunësisë është ende e lartë dhe numri i të rinjve të papunë është i madh. Hana gjithashtu shtoi se bota duhet të shohë më shumë nga atë që kemi për të ofruar, jo vetëm për veten tonë, por edhe për Evropën dhe botën.

Ndiqni intervistën e plotë të Hanës për të dëgjuar rreth pikëpamjeve të saj mbi sfidat e të bërit biznes në Kosovë, gjendjen e sektorit të biznesit dhe shumë të tjera: Kliko këtu

More Blogs

header-image
Profesionet – Dje, Sot dhe Nesër
View blog
header-image
Intervista e Hana Qerimit në televizionin ndërkombëtar të Polonisë, thekson potencialin e rinisë së Kosovës
View blog
header-image
Drejtuesit e Shkollës Digjitale, takohen me sipërmarrësin dhe liderin e teknologjisë nga Izraeli
View blog
header-image
Blinera dhe Jora, dy sukseset e radhës në fushën e programimit
View blog
header-image
Nga Shkolla Digjitale, drejt ëndrrave të mëdha
View blog