Drejtuesja e Shkollës Digjitale dhe StarLabs, Hana Qerimi kryeson në listën e personave më të suksesshëm në Kosovë, Shqipëri dhe Maqedoni të Veriut në edicionin e dytë të revistës organizuar nga BLOconomy dhe Wood World Albania.

BLOconomy ka listuar 40 sipërmarrësit më të suksesshëm nën 40 vjeç gjatë vitit 2023 dhe Hana Qerimi ka zënë vendin e parë, ndjekur nga sipërmarrës të tjerë si Fatjon Hysenbelliu dhe Fatjon Selimaj.

Projekti "40 under 40" ka nisur në vitin 2021 dhe ka për qëllim të promovoj dhe rendis 40 sipërmarrësit më të suksesshëm nën moshën 40 vjeç në Shqipëri, Kosovë dhe Maqedoninë e Veriut.

Pjesëtarë të bordit drejtues në këtë projekt gjatë këtij viti ishin Ardian Hoxha nga Americhan School of Kosova, Edona Bilali - Ministër i Shtetit për Mbrojtjen e Sipërmarrjes në Shqipëri, Avni Ponari nga SIGAL UNIQA, Bora Muzhaqi - Ministër Shteti për Rininë dhe Fëmijët në Shqipëri dhe Dorina Shomo nga Frontera.

Hana Qerimi është vlerësuar si më e suksesshmja gjatë këtij viti me 95 pikë nga 100 gjithsej.