Konferenca për prindër, DIGITAL PARENTHOOD, e cila u mbajt për herë të parë nga Shkolla Digjitale në Prishtinë, mblodhi bashkë prindër, edukatorë, psikologë dhe ekspertë për të diskutuar tema të ndryshme nga fusha e sigurisë kibernetike, mediave sociale, lojërave dhe bullizmit kibernetik, shumë të nevojshme për prindërimin në epokën digjitale.

Kjo konferencë synohet të organizohet edhe në vitet e ardhshme për të ndihmuar prindërit në vetëdijësimin e rreziqeve dhe menaxhimin e botës virtuale së cilës i takojmë sot.

Hapjen e këtij eventi mjaft të rëndësishëm e bëri Hana Qerimi, e cila mes tjerash tha se misioni ynë nuk është patjetër që secili fëmijë të bëhet programer, por që secili prej tyre të ketë shkathtësi teknike.

Në mesin e të ftuarve special në panelet për temat përkatëse, ishin ekspertë të fushave të cilët ndanë me ne përvojat dhe këshillat, duke iu përgjigjur edhe pyetjeve të audiencës në fund të secilit panel.
Disa nga mesazhet kryesore që përçuan ata:

Paneli për Cyber Security

Blerton Abazi sugjeroi të monitorojmë përmbajtjen online të fëmijëve dhe të kujdesemi për mosvarësinë online.
Fadil Abdyli theksoi rëndësinë e mekanizmave të zhvilluar nga policia për të luftuar krimet kibernetike dhe apeloi për monitorimin e fëmijëve online.

Paneli për Social Media

Valon Canhasi theksoi se mënyra më e mirë për të mbrojtur fëmijët online është monitorimi dhe biseda me ta për rreziqet.
Drilon Jaha theksoi nevojën për më shumë konferenca për prindërit për vetëdijesim.
Lumnije Telaku foli për ndikimin psikologjik të mediave sociale në vlerësimin e fëmijëve për veten.

Paneli për Gaming

Natyra Agani theksoi se lojërat janë pjesë integrale e zhvillimit të fëmijëve.
Darsej Rizaj theksoi rëndësinë e dallimit të lojërave me qasje të limituar dhe lojërave të pakontrolluara.

Aplikacione për monitorim online

Darsej Rizaj ndau disa aplikacione për monitorimin e aktiviteteve online të fëmijëve dhe demonstroi përdorimin e tyre. Për më shumë, lexoni blogun tonë: Prindërimi Digjital: Aplikacionet që ju ndihmojnë të menaxhoni fëmijët tuaj në paisjet digjitale